بحلم

يعني شوية من أحلام يقظة الشباب
بس بالنسبة ليا هيا مش احلام يقظة
كنت بحلم بسيارة آخر موديل بعد ما اتخرج
وكمان إني اتجوز واحدة تكون أمورة
واشتغل في مكان محترم بمرتب لا يقل عن 2500 جنيه
وإني اكون بقى انسان ملتزم اصحي الصبح بدري وانزل اروح شغلي وكلي نشاط
كانت لسة الاسعار في المعقول وانا بحلم الاحلام دي
بعد زيادة الاسعار والزيادة اليالغة في اسعار البنزين وضرايب السيارات
قررت بإني سأعيش اعذب وإني مش هركب سيارات
ولوربنا كرمني بشغل كويس ومرتب كويس ده يبقى كرم من الله
انا خلاص مبقاش عندي أمل في الحياة في مصر
شايف ان مستقبلي مش هنا خالص
وإاني مش هستريحفي مصر لإني حسبتها
كانت حسبة معقدة قوي عشان احقق حلامي
بس دي بالنسبة ليا مش احلام اقدر اقول انها طموح
تعالى نشوف الحسبة دي كده
عربية بعد التخرج مباشرة =اربع سنين مثلا بعد التخرج على ماتفكر في الجواز
جواز بعد التخرج مباشرة=10سنين مثلا من غير عربية
الموضوع صعب يحتاج إلى مجهود صعب وكغاح مرير مع النفس لكي تقنع بأي معادلة
من المعادلتين السابقتين
لكتن لو سافرت
الموضوع اعتفد هيبقى ميسر شوية بس فيه عيب هو انك هتكون وحيد في الغربة مش وسط اهلك مش وسط بلدك
على فكرة انا مش معني الكلام اللي قولته ده إن انا مش بحب مصر
انا بحبها جدا وعايز انجح فيها
بس الموضوع ده عايز تحمل كتير قوي لأن مشاكل الحياة في مصر كتيرة سواء مواصلات او معيشة أو.......إلخ
ولغاية دلوقتي لسة ما قررتش هعمل ايه بعد ما اتخرج
ربنا يكرم ان شاء الله ويهديني إلى ما فيه خيرا لي